قصيدة : بتحنلها ليه
بتحنلها ليه وهي جرحاك
بتحنلها ليه وهي دبحاك
بتتنهد ليه لما بنسمع في يوم كلام عنها
وبتنبض ليه لما بنلمح صورة من صورها
وليه بتتعذب في كل مكان مشينا فيه
وليه بتبكي على أغاني الفراق
مش كنا اتفقنا ننسى
مش كنا اتفقنا نقسى
ده أنا كنت فاكرك دوا
طلعت ياقلبي أنت العلة
بتموت فيا بالبطيء
وكأنها ليك أقرب صديق
أو كأنها سحراك
عشان تشوفها كدة زي الملاك
تكونش نسيت اللي جرى
يمكن تكون نسيت انانيتها وعنادها
ولا قسوتها يوم الفراق
بس أنا فاكر اليوم ده كويس
كانت يا جبل ما يهزك ريح
قالتلي أنا جاية أقولك كلام صريح
احنا لازم نبعد وننسى اللي كان
قصتنا من الأول ملهاش عنوان
قالت كلام يقتل
بس يفوق كمان
فازاي بعد ده كله تشتاق ليها
ده غيرك ياغبي يرميها
لو عاوز تشتاق بصحيح
اشتاق للحبايب اللي التراب خدهم
اشتاق لبنت الجيران بتاعة زمان
اشتاق لأيام الطفولة
اشتاق للحصة الأولى
بس إياك تاني تشتاق ليها
ويوم ماتحب من جديد
أرجوك حبلنا واحدة أصيلة
✍️عمر أحمد
تعليقات
إرسال تعليق